मुंबई- मध्य रेल्वेने विविध अभियांत्रिकी आणि देखभालीच्या कामांसाठी उद्या रविवार १ सप्टेंबर रोजी मध्य आणि हार्बर मार्गावर मेगाब्लॉक घोषित केला आहे.यादिवशी मध्य रेल्वेच्या मध्य मार्गावर सकाळी ११.०५ ते दुपारी ३.५५ वाजेपर्यंत माटुंगा ते मुलुंड दरम्यान अप आणि डाऊन धीम्या मार्गावर मेगाब्लॉक असेल तर हार्बर मार्गावर कुर्ला ते वाशी दरम्यान अप आणि डाऊन धीम्या मार्गावर मेगाब्लॉक असेल.
या मेगाब्लॉकच्या पार्श्वभूमीवर छत्रपती शिवाजी महाराज टर्मिनस मुंबई येथून सकाळी १०.१४ ते दुपारी ३.१८ पर्यंत सुटणाऱ्या डाऊन धीम्या मार्गावरील सेवा माटुंगा आणि मुलुंड स्थानकांदरम्यान डाऊन जलद मार्गावर वळवण्यात येऊन शीव,कुर्ला,घाटकोपर, विक्रोळी,भांडुप आणि मुलुंड स्थानकांवर थांबतील. त्यानंतर पुन्हा डाऊन धिम्या मार्गावर वळवण्यात येऊन गंतव्यस्थानावर नियोजित वेळेच्या १५ मिनिटे उशिरा पोहोचेल. तर ठाणे येथून सकाळी १०.५८ ते दुपारी ३.५९ पर्यंत सुटणाऱ्या अप स्लो मार्गावरील सेवा मुलुंड येथे मुलुंड आणि माटुंगा स्थानकांदरम्यान मुलुंड, भांडुप,विक्रोळी,घाटकोपर, कुर्ला व शीव स्थानकांदरम्यान अप जलद मार्गावर वळवण्यात येतील. माटुंगा येथे अप धीम्या मार्गावर पुन्हा वळवण्यात येऊन आणि नियोजित वेळेच्या १५ मिनिटांनी गंतव्यस्थानी पोहोचेल. छत्रपती शिवाजी महाराज टर्मिनस मुंबई येथून सकाळी ११.०० ते संध्याकाळी ५.०० दरम्यान सुटणाऱ्या/पोहोचणाऱ्या सर्व अप आणि डाऊन लोकल नियोजित वेळेपेक्षा १५ मिनिटे उशिरा गंतव्यस्थानी पोहोचतील.
