पुणे – मंगळवार पेठेतील काची वस्तीत असलेल्या एका घराला सोमवारी दुपारी आग लागली.अग्निशमन दलाच्या जवानांनी घटनास्थळी धाव घेऊन आग आटोक्यात आणली.मंगळवार पेठेतील एसएसपीएम प्रशालेच्या पाठीमागील बाजूस काची वस्ती आहे. या वसाहतीत बैठी पत्र्यांची घरे आहेत. दुपारी चव्हाण कुटुंबीयाच्या घरातून मोठ्या प्रमाणावर धूर आला.या घरात कोणी नव्हते.चव्हाण यांची आजी घराबाहेर बसल्या होत्या.वस्तीतील रहिवाशांनी काही अंतरावर असलेल्या अग्निशमन दलाच्या नायडू केंद्रात या घटनेची माहिती दिली.त्यानंतर अग्निशमन दलाचा बंब दोन मिनिटांत घटनास्थळी पोहोचले.अग्निशमन दलाच्या जवानांनी पाण्याचा मारा करुन आग आटेक्यात आणली.