पोर्ट लुईस – पंतप्रधान नरेंद्र मोदी दोन दिवसांच्या मॉरिशस दौऱ्यावर असून त्यांच्या उपस्थितीत मॉरिशसबरोबर आज आठ सामंजस्य करार करण्यात आले. यावेळी मॉरिशसचे पंतप्रधान नवीनचंद्र रामगुलामही उपस्थित होते.या करारांमध्ये रिझर्व बँक व मॉरीशस केंद्रीय बँकेतील प्रणाली बसवण्याबाबत करार झाला असून मॉरिशसमधील १०० किलोमीटरची पाईपलाईन बदलण्यासाठी भारतीय स्टेट बँक कर्ज देणार आहे, मॉरिशसच्या राजदूतांसाठी एक प्रशिक्षण शिबीर भारत राबवणार आहे, भारतीय नौसेना व मॉरिशस पोलिसांमधील सहकार्य, सुक्ष्म, लघु आणि मध्यम उद्योगांमध्ये परस्पर सहकार्य, त्याचप्रमाणे भारतीय महासागर हवामान व इतर माहितीची आदानप्रदान करणारे आदी सामंजस्य करार यावेळी करण्यात आले. यावेळी मॉरिशसचे पंतप्रधान म्हणाले की, भारत सुरुवातीपासून मॉरिशसचा चांगला मित्र असून भारताकडून आम्हाला सातत्याने सहकार्य मिळत आहे.