नाशिक- शिंदे गाव येथील औद्योगिक वसाहतीतील एका फटाक्याच्या गोदामाला भीषण आग लागली . आज दुपारी एक वाजण्याच्या सुमारास धूर दिसू लागल्याने व फटाक्यांच्या आवाजामुळे रहिवाशांना आग लागल्याचे लक्षात आले. त्यानंतर तात्काळ नाशिकरोड अग्निशामक केंद्र व नाशिकरोड पोलिसांना माहिती दिली . आग विझविण्यासाठी अग्निशामक दलाच्या गाड्या घटनास्थळी दाखल होऊन आगीवर नियंत्रण मिळवण्यासाठी शर्थीचे प्रयत्न सुरु केले. या आगीत चार कामगार जखमी झाले. त्यातील दोन कामगारांवर बिटको रुग्णालयात उपचार सुरू आहेत.