श्रीनगर – जम्मू-काश्मीरच्या अखनूरमध्ये काल सुरू झालेली चकमक २७ तासांनंतर रात्री उशिरा थांबली. सुरक्षा दलांनी एलओसी जवळील भट्टल भागातील जंगलात ३ दहशतवाद्यांचा खात्मा केला. काल एका दहशतवाद्याचा मृतदेह सापडला होता, आज आणखी २ दहशतवाद्यांचे मृतदेह सापडले आहेत.या दहशतवाद्यांनी काल सकाळी ७.२६ वाजता लष्कराच्या रुग्णवाहिकेवर हल्ला केला. यामध्ये कोणतीही जीवित वा वित्तहानी झाली नाही. हल्ल्यानंतर दहशतवादी जंगलाच्या दिशेने पळून गेले होते, त्यानंतर सुरक्षा दलांनी शोध मोहीम राबवली आणि सुमारे ५ तासांच्या प्रयत्नानंतर ३ दहशतवाद्यांना ठार करण्यात आले.या चकमकीत लष्कराच्या के – ९ स्क्वॉडचा कुत्रा फँटमला गोळी लागली. फँटम डॉग या घटनेत शहीद झाला. जम्मूचे संरक्षण पीआरओ म्हणाले की, आम्ही आमच्या कुत्र्या फँटमच्या सर्वोच्च बलिदानाला सलाम करतो. जेव्हा आमचे सैनिक अडकलेल्या दहशतवाद्यांच्या जवळ येत होते, तेव्हा फँटम शत्रूच्या गोळीबारात आला, ज्यामुळे तो जखमी झाला. फँटमचा नंतर मृत्यू झाला. त्याचे धैर्य, निष्ठा आणि समर्पण कधीही विसरता येणार नाही.