खानापूर – खानापूर तालुक्यातील नंदगड येथील लक्ष्मीदेवी यात्रेनिमित्त कायदा आणि सुव्यवस्था राखण्यासाठी मद्यविक्रीला बंदी करण्यात आली आहे. उद्या ११ फेब्रुवारी रात्री ८ ते २४ फेब्रुवारी पहाटे ६ वाजेपर्यंत नंदगड गावातील दारू दुकाने आणि बार बंद ठेवण्याचे आदेश जिल्हाधिकारी मोहम्मद रोशन यांनी दिले आहे.नंदगड येथे १२ ते २३ फेब्रुवारीपर्यंत लक्ष्मी यात्रोत्सव पार पडणार आहे. २५वर्षांनंतर ही यात्रा होत असल्याने यात्रेत अभूतपूर्व गर्दी होणार आहे.सामाजिक शांतता आणि सलोख्याच्या वातावरणात यात्रा पार पाडण्यासाठी पोलीस विभागाने दारू विक्रीला बंदी घालण्याची मागणी केली होती. त्या पार्श्वभूमीवर कायदा आणि सुव्यवस्था राखण्यासाठी यात्रेच्या काळात नंदगड गावातील सर्व मद्य विक्री दुकाने आणि बार बंद ठेवण्याचे आदेश दिले. या आदेशाचे उल्लंघन करणाऱ्यांवर कठोर कारवाई करण्यात येणार आहे.नंदगड यात्रोत्सव कमिटीने यापूर्वीच आहेराच्या प्रथेला फाटा दिला आहे. त्याशिवाय यात्रा काळात डीजेलाही निर्बंध लागले आहे.