मुंबई- भारतीय रेल्वेच्या केटरिंग अँड टुरिझम कॉर्पोरेशनची (आयआरसीटीसी) सेवा आज पुन्हा ठप्प झाली. डिसेंबर महिन्यातच आयआरसीटीसीची सेवा यापूर्वी दोनवेळा ठप्प झाली होती. ही साईट ठप्प होण्याची आजची तिसरी वेळ आहे. त्यामुळे नवीन वर्षाच्या निमित्ताने घरी जाण्यासाठी तात्काळ तिकिटे बूक करणाऱ्या लाखो प्रवाशांना याचा फटका बसला. पैसे भरण्यापासून ते गाड्यांच्या निवडीपर्यंत युजर्सना अॅप आणि वेबसाईटवर अनेक समस्यांना सामोरे जावे लागले. युजर्सना बराच वेळ डाउनटाईम मेसेज आयआरसीटीसीच्या साईटवर दिसत होता. त्यानंतर अनेक युजर्सनी यावर नाराजी व्यक्त करत सोशल मीडियावर रेल्वेमंत्र्यांना टॅग करत तक्रार केली.
प्लॅटफॉर्मवरील डाउनटाइम मेसेजमध्ये म्हटले आहे की, सर्व साइट्ससाठी पुढील एक तास बुकिंग आणि कॅन्सलेशन सेवा उपलब्ध नाही. कॅन्सिलेशन किंवा टीआरडी दाखल करण्यासाठी आपण कस्टम केअरला १३९ वर कॉल करू शकता. यावर आयआरसीटीसीकडून कोणतीही प्रतिक्रिया आलेली नाही आणि सेवा बंद होण्याचे कोणतेही कारण समोर आलेले नाही. दरम्यान, यापूर्वी ९ डिसेंबर
