RRB Recruitment 2025: भारतीय रेल्वेमध्ये RRB ग्रुप D भरती 2025 साठी अर्ज करण्याची अंतिम तारीख वाढवण्यात आली आहे. या भरतीद्वारे रेल्वेमध्ये ग्रुप D श्रेणीतील 32,438 पदे भरली जाणार आहेत. याआधी अर्ज करण्याची अंतिम तारीख 22 फेब्रुवारी होती. मात्र, आता उमेदवारांना 1 मार्च 2025 पर्यंत अर्ज करता येणार आहे.
अर्ज शुल्क भरण्याची अंतिम तारीखही 24 फेब्रुवारीवरून वाढवून 3 मार्च करण्यात आली आहे. त्यानंतर अर्जामध्ये सुधारणा करण्याची संधी 4 मार्च ते 13 मार्च 2025 दरम्यान उपलब्ध असेल. तुम्ही जर रेल्वेमध्ये सरकारी नोकरी शोधत असाल तर अर्ज RRB च्या अधिकृत वेबसाइटवर जाऊन अर्ज करू शकतात.
RRB Recruitment 2025: पदे
रेल्वे रिक्रूटमेंट बोर्डाकडून 32438 पदे भरली जाणार आहे. यामध्ये पॉइंटमॅन-बी, सहाय्यक (ट्रॅक मशीन), सहाय्यक (सेतू), ट्रॅक मेंटेनर Gr. IV अभियांत्रिकी, असिस्टंट पी-वे, सहाय्यक (C&W), सहाय्यक TRD इलेक्ट्रिकल, सहाय्यक (S&T), असिस्टंट लोको शेड (डिझेल), असिस्टंट लोको शेड (इलेक्ट्रिकल), असिस्टंट ऑपरेशन (इलेक्ट्रिकल), सहाय्यक TL आणि AC, सहाय्यक TL आणि AC (कार्यशाळा) आणि सहाय्यक (कार्यशाळा) (यांत्रिक) या पदांचा समावेश आहे.
पात्रता
या पदांसाठी अर्ज करणाऱ्या उमेदवारांनी कमीत कमी दहावीपर्यंतचे शिक्षण घेतलेले असणे आवश्यक आहे. पदांनुसार शैक्षणिक पात्रता वेगवेगळी आहे. पात्रता जाणून घेण्यासाठी तुम्ही अधिकृत जाहिरात पाहू शकता. उमेदवारांचे वय 1 जानेवारी 2025 रोजी 18 ते 36 वर्षे असावे. कोविड-19 महामारीमुळे ज्यांनी मागील भरतीच्या संधी गमावल्या असतील. अशा उमेदवारांना 3 वर्षांची वयोमर्यादा सवलत देण्यात आली आहे,
अर्ज प्रक्रिया व शुल्क
इच्छुक व पात्र उमेदवार RRB च्या अधिकृत वेबसाइटवर जाऊन अर्ज करू शकतात. उमेदवारांसाठी 500 रुपये परीक्षा शुल्क असेल. PwBD / महिला / ट्रांसजेंडर / माजी सैनिक/ SC/ST/ अल्पसंख्यक समुदाय आणि आर्थिकदृष्ट्या मागास वर्ग (EBC) संबंधित उमेदवारांसाठी शुल्क 250 रुपये असेल. परीक्षा शुल्क ऑनलाइन माध्यमातून करता येईल.
