गौरीकुंड – रुद्रप्रयाग हून गौरीकुंडला जाणारी एक बोलेरो गाडी दरीत कोसळून झालेल्या अपघातात गाडीतील १४ जण जखमी झाले. आज दुपारी हा अपघात झाला. गौरीकुंडाच्या जवळच हा अपघात झाल्याने तातडीने मदत कार्य सुरु झाले.
रुद्रप्रयागहून गौरीकुंडला जाणारी ही बोलेरो गाडी गौरीकुंडाच्या एक किलोमीटर आधी दरीत कोसळली. पोलीस, एसडीआरएफ व वैद्यकीय पथकाने घटनास्थळी धाव घेत यातील जखमींना तातडीने बाहेर काढले. अपघाता गंभीर जखमी झालेल्यांना रुग्णालयात दाखल करण्यात आले आहे. जखमींमध्ये एका लहान मुलाचाही समावेश आहे.
