राष्ट्रपती भवनातील अमृत उद्यान लोकांसाठी खुले

नवी दिल्ली – राष्ट्रपती भवनातील अमृत उद्यान आजपासून सर्वसामान्यांसाठी खुले करण्यात आले. हे उद्यान ३० मार्च २०२५ पर्यंत लोकांसाठी खुले राहणार आहे. काल राष्ट्रपती द्रौपदी मुर्मू यांनी अमृत उद्यानाच्या हिवाळी आवृत्तीचे उद्घाटन केले होते.सोमवारवगळता आठवड्यातील सर्व दिवस सकाळी १० ते संध्याकाळी ६ या वेळेत लोक या उद्यानाला भेट देऊ शकतात. मात्र उद्यान ५ फेब्रुवारीला दिल्ली विधानसभा निवडणुकीसाठीच्या मतदानामुळे, २० आणि २१ फेब्रुवारीला राष्ट्रपती भवनात आयोजित एका परिषदेमुळे आणि १४ मार्चला होळीच्या निमित्ताने बंद राहील. या उद्यानाला भेट देण्यासाठी ऑनलाइन आणि ऑफलाइन अशा दोन्ही पद्धतीने तिकीट निशुल्क आरक्षित करता येईल. या उद्यानाला भेट देणाऱ्या सर्वांसाठी प्रवेश राष्ट्रपती भवनाच्या प्रवेशद्वार क्रमांक ३५ मधून दिला जाईल. लोकांच्या सोयीसाठी सेंट्रल सेक्रेटरिएट मेट्रो स्टेशन ते प्रवेशद्वार क्रमांक ३५ दरम्यान दर ३० मिनिटांनी सकाळी ९.३० ते संध्याकाळी ६ वाजेपर्यंत शटल बस सेवा उपलब्ध असेल.

Leave a Comment

Your email address will not be published. Required fields are marked *

Scroll to Top