पुणे:- मोबाइल पाहाण्यावरून वडिलांनी खडसावल्यामुळे बारावीतील मुलीने इमारतीच्या छतावरून उडी मारून आत्महत्या केल्याची धक्कादायक घटना पुणे जिल्ह्यातील घोडेगाव परिसरात घडली आहे. भूमी सोनवणे असे आत्महत्या केलेल्या तरुणीचे नाव आहे.
बारावीत शिकणाऱ्या भूमीला बारावीचे वर्ष असल्याने अभ्यासावर लक्ष केंद्रित कर, असे वडिलांनी सांगितले होते. वडील ओरडल्याने भूमी रात्री इमारतीच्या छतावर गेली. तिने छतावरून उडी मारून आत्महत्या केली. सकाळी भूमी इमारतीच्या आवारात गंभीर जखमी अवस्थेत पडल्याचे सोनवणे कुटुंबीयांनी पाहिले. तिला तातडीने खासगी रुग्णालयात दाखल करण्यात आले. उपचारांपूर्वीच तिचा मृत्यू झाला होता. या प्रकरणी घोडेगाव पोलीस ठाण्यात अकस्मात मृत्यूची नोंद करण्यात आली आहे. या प्रकरणाचा घोडेगाव पोलिसांकडून तपास करण्यात येत आहे.
