बिहार विधानसभा निवडणुकीपूर्वी अनेक विकास कामांना मंजूरी

पाटणा – आगामी बिहार विधानसभा निवडणुकीपूर्वी मतदारांवर प्रभाव पाडण्यासाठी राष्ट्रीय लोकशाही आघाडीने अनेक विकास कामांना मंजूरी दिली आहे. इतरही अनेक कामांना येत्या काही दिवसात मंजूरी देण्यात येणार असून त्या द्वारे मुख्यमंत्री नितीश कुमार यांची विकास पुरुष म्हणून प्रतिमा तयार करण्याचा प्रयत्न होत आहे.

राज्यात विनाविलंब १० हजार कोटी रुपयांच्या प्रकल्पांना मंजूरी देऊन निविदा प्रक्रिया सुरु करण्यात आली आहे. बिहारचे प्रधान सचिव अर्मित लाल मिना यांनी म्हटले आहे की, राज्यातील विकासाला गती मिळवण्यासाठी सरकार प्रयत्न करत असून २९ जानेवारी रोजी राज्यातील १६८ विकास कामांची घोषणा करण्यात आली होती. त्यातील १०३ प्रकल्पांना मंजूरी देण्यात आली आहे. फेब्रुवारी महिना अखेरीपर्यंत सर्व प्रकल्पांना मंजूरी देण्यात येऊन एप्रिल २०२५ पर्यंत निविदा प्रक्रिया सुरु केली जाणार आहे. याची प्रत्यक्ष कामे यंदाच्या जून महिन्यात सुरु होणार आहे. सध्या सुरु असलेल्या प्रगती यात्रे दरम्यान मुख्यमंत्री नितीश कुमार या प्रकल्पांची पायाभरणी करणार आहेत. दरम्यान काही दिवसांपूर्वी राष्ट्रीय जनता दलाचे नेते तेजस्वी यादव यांनी सरकारकडे विकासाची नीती नसल्याची टीका केली होती. त्याला या माध्यमातून उत्तर देण्यात येत असल्याची चर्चा राज्यात होत आहे.

Leave a Comment

Your email address will not be published. Required fields are marked *

Scroll to Top