बिजनौर – उत्तर प्रदेशातील बिजनौर येथे आज सकाळी घडलेल्या अपघातात नवरा नवरीसह वऱ्हाडांमधील एकूण ७ जणांचा मृत्यू झाला. धुक्यामुळे समोरील वाहन न दिसल्याने हा अपघात झाल्याचे म्हटले जात असून मृतांमधील सहा जण एकाच कुटुंबातील आहेत. भरधाव जाणाऱ्या क्रेटा कारने टेम्पोला धडक दिल्याने हा अपघात झाला. मृतांमधील सर्वजण टेम्पोमधील आहेत.उत्तर प्रदेशातील कुटुंब झारखंडमध्ये लग्न आटोपून मुरादाबाद रेल्वे स्थानकावरुन धामापूरकडे येत होते. यावेळी हा अपघात झाला. टेम्पोत असलेले नवरा नवरी व कुटंबातील इतर सदस्यांचा जागीच मृत्यू झाला. एका गाडीला ओव्हरटेक करुन पुढे जाण्याचा प्रयत्न करणाऱ्या एका कारने या टेम्पोला जोरदार धडक दिल्याने हा अपघात झाला. या अपघातात दोन्ही वाहनांचे मोठे नुकसान झाले आहे.