सावंतवाडी- सिंधुदुर्गातील सावंतवाडी तालुक्यातील “श्री गणेश मंदीर” वाफोली रोड बांदा येथे उद्या माघी गणेश जयंती उत्सवाचे आयोजन करण्यात आले आहे. त्यानिमीत्त विविध धार्मिक व सांस्कृतिक कार्यक्रम पार पडणार आहेत. यादिवशी मंदिरात पहाटे ५ वाजता काकड आरती, अभिषेक पूजा होईल. त्यानंतर भाविकांना दर्शन दिले जाईल.त्यानंतर सकाळी ९ वाजता श्री सत्य विनायक महापुजा आणि दुपारी १२ वा गणेश जन्म सोहळा होईल. दुपारी १ ते ३ महाप्रसाद तर सायंकाळी भजनाचा कार्यक्रम होईल. रात्री ९ वा अष्टविनायक पारंपरिक दशावतारी नाट्य मंडळ निरवडे यांचा ” हा खेळ संचिताचा ” हा पौराणिक नाट्य प्रयोग सादर होणार आहे.तरी भाविकांनी या सोहळ्याचा लाभ घ्यावा, असे आवाहन श्री गणेश मंदीर सेवा समिती, बांदाच्या वतीने करण्यात आले आहे.
बांद्याच्या गणेश नगरात माघी गणेश जयंती उत्सव
![](https://navakal.s3.ap-south-1.amazonaws.com/webcontent/2024/02/1b4f6d4b-a931-4f80-8b29-905e304de1ad-1024x886.jpg)