ठाण्यात ५ फेब्रुवारीपर्यंत चिकन,मटण विक्री बंद

ठाणे – ठाणे पोलिस आयुक्त आशुतोष डुंबरे यांच्या बारा बंगला परिसरातील शासकीय निवासस्थानत पाळलेल्या कोंबड्यांना बर्ड फ्लूची लागण झाल्याचे उघड झाले आहे. या पार्श्‍वभूमीवर ठाणे पालिकेने कोपरी परिसरात येत्या ५ फेब्रुवारीपर्यंत चिकन, मटन विक्री दुकाने बंद ठेवण्याचा निर्णय घेतला आहे.
बर्ड फ्लूचा संसर्ग रोखण्यासाठी पालिकेने ठाणे जिल्हाधिकाऱ्यांच्या आदेशानुसार ही उपाययोजना केली आहे. शासकिय निवासस्थानात पाळलेल्या २० कोंबड्यांना बर्ड फ्लूची लागण झाल्याचे गेल्या आठवड्यात समोर आले होते. अब यानंतर जिल्हा पशू संवर्धन विभागाने बंगल्याच्या एक किलोमिटर परिसरातील सर्व कोंबड्या नष्ट करण्याचे काम केले होते. या भागातील कोंबडी आणि इतर पाळीव पक्षांचे नुमनेही तपासणीसाठी पाठविण्यात आले होते. त्यात काहीच आढळून आलेले नाही. तसेच या पथकाने १२७ नागरिकांची आरोग्य तपासणी करून ७५ जणांचे स्वॅब नमुने तपासणी साठी घेतले होते. त्यात काही आढळून आलेले नाही. तरीही केवळ खबरदारीचा उपाय म्हणून कोपरी परिसरातील चिकन आणि अंडी विक्री दुकाने बंद करण्याचे आदेश जिल्हाधिकाऱ्यांनी दिले आहेत. त्यानुसार पालिकेने कोपरी परिसरातील चिकन आणि अंडी विक्री दुकानदारांना नोटीस बजावून ५ फेब्रुवारीपर्यंत दुकाने बंद ठेवण्याचे आदेश दिले आहेत. या वृत्तास ठाणे पालिका मुख्य आरोग्य अधिकारी डाॅ.चेतना नितील के यांनी दुजोरा दिला आहे.

Leave a Comment

Your email address will not be published. Required fields are marked *

Scroll to Top