बीड:- जवाहर शिक्षण संस्थेच्या निवडणूकीत भाजपच्या राष्ट्रीय सचिव पंकजा मुंडे यांची बिनविरोध निवड झाली आहे. निवडणूक निर्णय अधिकाऱ्यांनी यासंदर्भात अधिकृत घोषणा केली आहे. हितचिंतक सभासद या गटात उमेदवारी अर्ज दाखल केलेले बालाजी गिते यांनी माघार घेतली. यापूर्वी आश्रय दाता सभासद गटातून राष्ट्रवादी काँग्रेसचे आमदार धनंजय मुंडे यांची बिनविरोध निवड झाली होती. जवाहर शिक्षण संस्थेच्या एकूण ३४ संचालक पदाच्या जागेसाठी निवडणूक कार्यक्रम जाहीर झाला आहे. ३४ पैकी धनंजय मुंडे आणि पंकजा मुंडे या बहीण-भावाच्या दोन जागा बिनविरोध निघाल्याने आता 32 जागेसाठी निवडणुका होणार आहेत. या सोसायटीसाठी ६ मे रोजी निवडणूक होणार आहे.७ मे रोजी निवडणुकीचा निकाल लागणार आहे.