सातारा – भाजपा खासदार उदयनराजे भोसले यांच्या वाढदिवसानिमित्त आज कुलदीप क्षीरसागर या कार्यकर्त्याने आणेवाडी टोलनाक्यावर ७५ फूट उंचीचा उदयनराजेंचा कटआउट लावला आहे. त्याबरोबर गांधी मैदानावर प्रीतम कळसकर मित्र समूहाचा ८ फुटी उंचीचा केक कापून खासदार उदयनराजे भोसले यांनी वाढदिवस साजरा केला.
पोवई नाका येथे रक्षक प्रतिष्ठानचे सुशील मोझर यांच्या वतीने फटाक्यांची आतषबाजी करण्यात आली. ही आतषबाजी पाहण्यासाठी सातारकरांची मोठी गर्दी झाली होती. त्यांना शुभेच्छा देण्यासाठी मोठ्या संख्येने कार्यकर्ते पोवई नाका येथे उपस्थित होते. पुण्यातील शिवाजीनगर येथून आलेल्या रामभाऊ देवकर मित्र परिवाराच्या वतीने जलमंदिर पॅलेस या ठिकाणी भोसलेंना चांदी आणि सोन्याचे सिंहासन भेट देण्यात आले.