धुळे
कापसाचे दर ७०० ते हजार रुपये प्रति क्विंटल वाढल्याने बळीराजा आनंदी झाला आहे. आंतरराष्ट्रीय बाजारपेठेमध्ये गेल्या काही दिवसांपासून कापसाची मागणी वाढल्याने कापसाला चांगले दर मिळत आहेत.
आंतरराष्ट्रीय बाजारपेठेमध्ये कापसाचे दर वाढल्यामुळे देशांतर्गत कापूस बाजारपेठेमध्येही तेजी निर्माण झाली आहे. हे दर ७०० ते हजार रुपये प्रति क्विंटल पर्यंत वाढल्याने शेतकऱ्यांनी कापूस मोठ्या प्रमाणात बाजारपेठेत विक्रीसाठी आणायला आहे. सध्या कापसाचे दर ८ हजार क्विंटलच्या पुढे आहेत. हे दर अजून वाढावेत, अशी अपेक्षा शेतकरी व्यक्त करत आहेत.
धुळे जिल्ह्यातील बहुतांश शेतकऱ्यांनी आपला कापूस घरात सांभाळून ठेवला होता. गेल्या चार महिन्यांपासून कापसाचे दर ८ हजार रुपयांच्या पुढे जात नव्हते. शेतकऱ्यांना अपेक्षा होती की, कापसाचे दर हे दहा हजार रुपये प्रति क्विंटल पर्यंत जातील. मात्र दर वाढत नसल्याने शेतकऱ्यांमध्ये निराशा पसरली होती.
