पणजी – सरकारी जागेवर अवैध प्रकारे निवडणुकीचे पोस्टर लावण्याच्या कारणावरून दिल्लीचे मुख्यमंत्री अरविंद केजरीवाल यांना गोवा पोलिसांनी नोटीस पाठवली आहे. मुख्यमंत्री केजरीवाल यांना २७ एप्रिल रोजी हजर राहण्याचा आदेश दिला आहे. कथित सार्वजनिक मालमत्तेचे विद्रुपीकरण केल्याप्रकरणी गोवा पोलिसांकडून केजरीवाल यांना हे समन्स बजावण्यात आले आहे. प्रत्येक निवडणुकीत सर्वच पक्षांकडून अशा प्रकारचे पोस्टर लावले जातात. मात्र केजरीवाल यांना मिळालेल्या समन्सवर आश्चर्य व्यक्त केले जात आहे.
विधानसभा निवडणुकीच्या काळात आम आदमी पक्षाच्या प्रचारासाठी पोस्टर लावून मालमत्तेचे विद्रुपीकरण केल्याप्रकरणी दाखल झालेल्या तक्रारीसंदर्भात चौकशीला उपस्थित राहण्यासाठी पेडणे पोलिसांनी केजरीवाल आणि पक्षाचे गोवा प्रमुख ॲड. अमित पालेकर यांना समन्स बजावले आहे. गोव्याचे पेरनेम पोलिस ठाण्याचे पोलीस निरिक्षक कुमार हलर्नकर यांनी ही नोटिस बजावली आहे. अमित पालेकर यांना १४ एप्रिलला, तर केजरीवाल यांना २७ एप्रिलला पोलिस स्थानकात हजर राहाण्यास सांगितले आहे. या मालमत्ता विद्रुपीकरणाची केंद्रीय निवडणूक आयोगाने दखल घेतली होती. आम आदमी पक्षाला गोव्यात गेल्या विधानसभा निवडणुकीत दोन जागांवर विजय मिळाला
