मुंबई – मनसेचे माहीम विधानसभेचे उमेदवार अमित ठाकरे यांना विधानसभा निवडणुकीत यश प्राप्त व्हावे यासाठी माहीम कोळीवाड्यातील कोळी बांधव आणि मनसे सैनिक एकविरा आईची ओटी भरून नवस करणार आहेत. एकवीरा देवीच्या दर्शनाला जाण्यापूर्वी कोळी बांधव आणि मनसे सैनिक देवीची ओटी घेऊन शिवतीर्थावर गेले. तिथे अमित ठाकरेंची भेट घेत एकविरेला रवाना झाले. माहीम मतदारसंघातून अमित ठाकरे यांनी काल उमेदवारी अर्ज दाखल केला. याठिकाणी अमित ठाकरे यांना शिवसेना शिंदे गटाचे सदा सरवणकर आणि शिवसेना ठाकरे महेश सावंत यांचे आव्हान आहे.
