अयोध्या – बॉलिवूडचे महानायक अमिताभ बच्चन यांनी अयोध्येतील बहुचर्चित राममंदिरापासून अवघ्या पंधरा -वीस मिनिटांच्या अंतरावर दोन बिघा म्हणजे सुमारे ५ हजार चौरस फुटाचा भूखंड विकत घेतला आहे. या भूखंडाची किंमत ८६ लाख रुपये आहे.शरयू नदीच्या किनारी ५१ एकर क्षेत्रफळावर मुंबईतील प्रसिद्ध लोढा कुटुंबातील द हाऊस ऑफ अभिनंदन लोढा ही कंपनी उच्चभ्रूंसाठी बंगल्यांचा मोठा प्रकल्प विकसित करीत आहे. द शरयू असे या प्रकल्पाचे नाव आहे. याच प्रकल्पामध्ये अमिताभ बच्चन यांनी आपले पिता हरिवंशराय बच्चन मेमोरियल ट्रस्टच्या नावे हा भूखंड विकत घेतला आहे.राम मंदिरापासून ७ किलोमीटर अंतरावरील तिहुरा मांझा नावाच्या गावात अत्यंत मोक्याच्या ठिकाणी हा भूखंड आहे. या जागी हरिवंशराय बच्चन मेमोरियल ट्रस्ट उभारण्याचा बच्चन यांचा मानस आहे, असे सांगण्यात आले.