Maharashtra Railway Projects | भारतीय रेल्वेच्या ‘अमृत भारत स्टेशन’ योजनेअंतर्गत महाराष्ट्रातील एकूण 132 रेल्वे स्थानकांचा विकास करण्यात येणार आहे. या योजनेद्वारे देशभरातील महत्त्वाच्या रेल्वे स्थानकांचे आधुनिकीकरण करून प्रवाशांना अधिक चांगल्या सुविधा पुरविल्या जातील, अशी माहिती केंद्रीय मंत्री अश्विनी वैष्णव यांनी दिली.
मुख्यमंत्री देवेंद्र फडणवीस आणि केंद्रीय मंत्री अश्विनी वैष्णव यांच्या उपस्थितीत झालेल्या पत्रकार परिषदेत ही माहिती देण्यात आली. महाराष्ट्रातील रेल्वेच्या दर्जेदार पायाभूत सुविधांसाठी मुख्यमंत्री देवेंद्र फडणवीस यांनी पंतप्रधान नरेंद्र मोदी आणि केंद्रीय मंत्री वैष्णव यांचे आभार मानले.
या योजनेत छत्रपती शिवाजी महाराज टर्मिनस, दादर (सेंट्रल आणि वेस्ट), अंधेरी, लोकमान्य टिळक टर्मिनस, पुणे जंक्शन, नाशिक रोड, नागपूर जंक्शन, छत्रपती संभाजीनगर, कोल्हापूर, परभणी, सोलापूर, सातारा, सांगली, अमरावती, भुसावळ यांसारख्या महत्त्वाच्या स्थानकांचा समावेश आहे. यासोबतच, अकलकोट रोड, दौंड जंक्शन, इगतपुरी, चांदा फोर्ट, मालाड, डोंबिवली, चिंचवड यांसारख्या उपनगरीय आणि ग्रामीण भागातील अनेक स्थानकांचाही विकास केला जाईल.
या योजनेमुळे स्थानकांवर प्रवाशांसाठी वेटिंग लाऊंज, फूड कोर्ट, स्वच्छतागृहे, लिफ्ट, एस्कलेटर आणि डिजिटल सुविधांसारख्या आधुनिक सेवा उपलब्ध होणार आहेत. तसेच, स्थानकांचे सौंदर्य वाढवले जाईल आणि शहरासोबत अधिक सुसंगत कनेक्टिव्हिटी निर्माण केली जाईल.
पुनर्विकासासाठी निश्चित केलेली स्थानके आणि त्यासाठीचा निधी खालीलप्रमाणे आहे:
- अजनी स्टेशन: 297.8 कोटी रुपये
- नागपूर जंक्शन: 589 कोटी रुपये
- नेताजी सुभाषचंद्र बोस इतवारी जंक्शन: 17.4 कोटी रुपये
- जालना: 189 कोटी रुपये
- छत्रपती संभाजीनगर: 241 कोटी रुपये
- रोटेगाव: 12 कोटी रुपये
- अहिल्यानगर: 31 कोटी रुपये
- भायखळा: 35.5 कोटी रुपये
- चिंचपोकळी: 52 कोटी रुपये
- चर्नी रोड: 23 कोटी रुपये
- छत्रपती शिवाजी महाराज टर्मिनस: 1813 कोटी रुपये
- ग्रँट रोड: 27 कोटी रुपये
- लोअर परळ: 30 कोटी रुपये
- मरिन लाइन्स: 27.7 कोटी रुपये
- सॅण्डहर्स्ट रोड: 16.4 कोटी रुपये
- मुर्तिजापूर स्टेशन: 13 कोटी रुपये
- बडनेरा: 36.3 कोटी रुपये
- बारामती: 11.4 कोटी रुपये
- दौंड जंक्शन: 44 कोटी रुपये
- केडगाव: 12.5 कोटी रुपये
- परळी वैजनाथ: 25.7 कोटी रुपये
- भंडारा रोड: 7.7 कोटी रुपये
- गोंदिया: 40 कोटी रुपये
- तुमसर रोड: 11 कोटी रुपये
- टिटवाळा: 25 कोटी रुपये
- शेगाव: 29 कोटी रुपये
- बल्लारशाह: 31.4 कोटी रुपये
- चंद्रपूर: 25.5 कोटी रुपये
- चांदा फोर्ट: 19.3 कोटी रुपये
- धुळे: 9.5 कोटी रुपये
- लासलगाव: 10.5 कोटी रुपये
- मनमाड: 45 कोटी रुपये
- नगरसोल: 20.3 कोटी रुपये
- नांदगाव: 20 कोटी रुपये
- आमगाव: 7.8 कोटी रुपये
- वडसा: 20.5 कोटी रुपये
- हातकंणगले: 6 कोटी रुपये
- हिमायतनगर: 43 कोटी रुपये
- हिंगोली डेक्कन: 21.5 कोटी रुपये
- किनवट: 23 कोटी रुपये
- चाळीसगाव: 35 कोटी रुपये
- अंमळनेर: 29 कोटी रुपये
- धरणगाव: 26 कोटी रुपये
- पाचोरा जंक्शन: 28 कोटी रुपये
- दिवा: 45 कोटी रुपये
- मुंब्रा: 15 कोटी रुपये
- शहाड: 8.4 कोटी रुपये
- कोल्हापूर – छत्रपती शाहू महाराज टर्मिनस: 43 कोटी रुपये
- लातूर: 19 कोटी रुपये
- जेऊर: 20 कोटी रुपये
- कुर्डूवाडी जंक्शन: 20 कोटी रुपये
- फलटण: 1 कोटी रुपये
- वाठार: 8 कोटी रुपये
- आकुर्डी: 34 कोटी रुपये
- चिंचवड: 20.4 कोटी रुपये
- देहू रोड स्टेशन: 8.05 कोटी रुपये
- तळेगाव स्टेशन: 40.34 कोटी रुपये
- मालाड स्टेशन: 12.32 कोटी रुपये
- कुर्ला जंक्शन स्टेशन: 28.81 कोटी रुपये
- कांजुरमार्ग स्टेशन: 27 कोटी रुपये
- विद्याविहार स्टेशन: 32.8 कोटी रुपये
- विक्रोळी स्टेशन: 19 कोटी रुपये
- जोगेश्वरी स्टेशन: 119 कोटी रुपये
- माटुंगा स्टेशन: 17.3 कोटी रुपये
- परळ स्टेशन: 19.4 कोटी रुपये
- प्रभादेवी: 21 कोटी रुपये
- वडाळा स्टेशन: 23 कोटी रुपये
- भोकर स्टेशन: 11.3 कोटी रुपये
- धर्माबाद स्टेशन: 30 कोटी रुपये
- मुखेड जंक्शन स्टेशन: 23 कोटी रुपये
- उमरी स्टेशन: 8 कोटी रुपये
- देवळाली स्टेशन: 10.5 कोटी रुपये
- इगतपुरी स्टेशन: 12.5 कोटी रुपये
- धाराशिव स्टेशन: 22 कोटी रुपये
- गंगाखेड स्टेशन: 16 कोटी रुपये
- मनवथ रोड स्टेशन: 12 कोटी रुपये
- परभणी जंक्शन स्टेशन: 26 कोटी रुपये
- परतूर स्टेशन: 23 कोटी रुपये
- पूर्णा जंक्शन स्टेशन: 24 कोटी रुपये
- सेलू स्टेशन: 23.2 कोटी रुपये
- हडपसर स्टेशन: 25 कोटी रुपये
- गोधनी स्टेशन: 29 कोटी रुपये
- काटोल स्टेशन: 23.3 कोटी रुपये
- कामठी स्टेशन: 7.7 कोटी रुपये
- नरखेड जंक्शन स्टेशन: 37.6 कोटी रुपये
- कराड स्टेशन: 12.5 कोटी रुपये
- सांगली स्टेशन: 24.2 कोटी रुपये
- लोणंद जंक्शन स्टेशन: 10.5 कोटी रुपये
- सातारा स्टेशन: 34.3 कोटी रुपये
- बेलापूर स्टेशन: 32 कोटी रुपये
- कोपरगाव स्टेशन: 30 कोटी रुपये
- सेवाग्राम स्टेशन: 18 कोटी रुपये
- धामणगाव स्टेशन: 18 कोटी रुपये
- हिंगणघाट स्टेशन: 22 कोटी रुपये
- पुलगाव स्टेशन: 16.5 कोटी रुपये
- उरूली स्टेशन: 13 कोटी रुपये
- वाशिम स्टेशन: 20.3 कोटी रुपये
- मलकापूर स्टेशन: 19 कोटी रुपये
- नांदुरा स्टेशन: 10.6 कोटी रुपये
- रावेर स्टेशन: 9.2 कोटी रुपये
- सावदा स्टेशन: 8.5 कोटी रुपये
- दुधनी स्टेशन: 22 कोटी रुपये
- पंढरपूर स्टेशन: 40 कोटी रुपये
- सोलापूर स्टेशन: 56 कोटी रुपये
- नंदूरबार स्टेशन: 15 कोटी रुपये
- पालघर स्टेशन: 17.5 कोटी रुपये
