पेज इंडस्ट्रीज लिमिटेड ही इनरवेअर, लाउंजवेअर आणि सॉक्सची भारतीय उत्पादक आणि किरकोळ विक्रेता आहे. कंपनी भारत, श्रीलंका, नेपाळ, बांगलादेश, संयुक्त अरब अमिराती, ओमान आणि कतारमधील जॉकी इंटरनॅशनलचे विशेष परवानाधारक आहे. कंपनीची स्थापना १९९४ मध्ये सुंदर जेनोमल आणि त्यांचे भाऊ नारी व रमेश यांनी केली होती. त्यांनी मिळून कंपनीत ५४% हिस्सा घेतला होता.

ही कंपनी जॉकी इंटरनॅशनल इंक. आणि स्पीडो इंटरनॅशनल लिमिटेडची विशेष परवानाधारक आहे. पेज इंडस्ट्रीज मार्च 2007 मध्ये सार्वजनिक कंपनी बनली आणि बॉम्बे स्टॉक एक्सचेंज व नॅशनल स्टॉक एक्स्चेंज ऑफ इंडियामध्ये सूचिबद्ध केली गेली. 2006-2007 दरम्यान, कंपनीने प्रीमियमवर प्रत्येकी 10/- च्या 2804,000 इक्विटी शेअर्सची प्रारंभिक सार्वजनिक ऑफर आणली होती. दरम्यान, पेज इंडस्ट्रीजने 15 एप्रिल 2008 रोजी बंगळुरू येथील बोम्मासांद्र युनिटमध्ये व्यवसायिक उत्पादनाचा पहिला टप्पा सुरू केला.