नवी दिल्ली – क्रिकेटपटू सचिन तेंडूलकर याने आज राष्ट्रपती द्रौपदी मुर्मू यांची कुटुंबासह भेट घेतली. या भेटीवेळी पत्नी अंजली तेंडूलकर व मुलगी सारा तेंडूलकर उपस्थित होत्या. सचिन तेंडूलकरचे राष्ट्रपती मुर्मू यांच्यासोबतचे राष्ट्रपती भवन परिसरातील फोटो समाजमाध्यमांवर व्हायरल झाले आहे. या भेटीवेळी तेंडूलकर यांनी त्यांची स्वाक्षरी असलेली एक जर्सीदेखील भेट दिली.