संपादक : सौ. जयश्री खाडिलकर - पांडे
Wednesday, 01 February 2023

बिहार, उत्तर प्रदेश, ओडिशा, राजस्थान, छत्तीसगडमध्ये 5 डिसेंबरला पोटनिवडणूक

Facebook
Twitter
WhatsApp
Telegram
Email

नवी दिल्ली- गुजरात आणि हिमाचलच्या विधानसभा निवडणुकांच्या पाठोपाठ आज भारतीय निवडणूक आयोगाने ओडिशा, राजस्थान, बिहार, उत्तर प्रदेश आणि छत्तीसगडमधील पोटनिवडणुकांची तारीख जाहीर केली आहे. या राज्यांमध्ये होणाऱ्या पोटनिवडणुसाठी 5 डिसेंबर रोजी मतदान होणार असून 8 डिसेंबर रोजी मतमोजणी होणार आहे.

पुढील महिन्यात जाहीर झालेल्या राज्यांमध्ये पोटनिवडणुकांमध्ये लोकसभेच्या 1 आणि विधानसभेच्या 5 जागांचा समावेश आहे. उत्तर प्रदेशातील मैनपुरी लोकसभेच्या जागेसाठी पोटनिवडणूक होणार आहे. त्याचवेळी ओडिशातील पदमपूर, राजस्थानमधील सरदार सिटी, बिहारमधील कुर्हानी, छत्तीसगडमधील भानुप्रतापपूर आणि यूपीच्या रामपूर विधानसभा मतदारसंघात पोटनिवडणूक होणार आहे. या पोटनिवडणुकीत सर्वांच्या नजर उत्तर प्रदेशातील लोकसभा मतदारसंघ मैनपुरी आणि रामपूर विधानसभा मतदारसंघात होणाऱ्या पोटनिवडणुकीकडे आहेत. सपाचे मुलायम सिंह यादव यांच्या निधनानंतर मैनपुरीची जागा रिक्त झाली होती. त्याचवेळी भडकाऊ भाषण केल्याप्रकरणी सपा नेते आझम खान यांचे सदस्यत्व रद्द केल्याने रामपूर विधानसभा जागा रिक्त आहे. विशेष म्हणजे या दोन्ही जागा सपाचा बालेकिल्ला म्हणून ओळखल्या जातात. यावेळीही या दोन जागांवर चुरशीची लढत अपेक्षित आहे.

आजचे हवामान
ताज्या बातम्या
Close Bitnami banner
Bitnami