सिन्नर – बाळू मामाच्या मेंढ्यांच्या कळपाला सिन्नर जवळ एका भरधाव कारची धडक बसून त्यात १५ मेंढ्यांचा मृत्यू झाला तर अनेक मेंढ्या जखमी झाल्या आहेत या प्रकरणी कारचालकाला अटक करण्यात आली आहे. बाळू मामांच्या तेरा नंबरच्या पालखीचा पांचाळे गावात मुक्काम होता. त्याच दरम्यान दुर्दैवी घटना घडली आहे.
अडीचशे मेंढयांच्या कळपातच भरधाव वेगाने येणारी स्विफ्ट कार शिरल्याने 10 ते 15 मेंढयांचा मृत्यू झाल्याची बाब समोर आली आहे. याशिवाय आणखी काही मेंढया गंभीर जखमी झाल्या आहेत.
बाळू मामांच्या मेंढया सध्या सिन्नर परिसरात फिरत आहे. दुसऱ्या शेतात सायंकाळच्या वेळी जात असताना हा अपघात घडला आहे. शहा बाजूकडून पंचाळेच्या बाजूला जात असतांना हा अपघात झाला आहे. बाळूमामाच्या मेंढयांचा हा आपघात इतका भीषण होता की काही मेंढयांचा जागेवर मृत्यू झाला आहे. आणखी काही मेंढया जखमी असल्याने त्यांच्यावर पैशू वैद्यकीय दवाखान्याच्या माध्यमातून उपचार सुरू आहे.
